ساڵی ١٩٦٦ لە سلێمانی لەدایكبوە، خەڵكی هەڵەبجەیە گوندی عەبابەیلێ. ‎لە ١٩٨٩ بە كورتە چیرۆكی (الشرارە) بەزمانی عەرەبی، لەسەر ئاستی زانكۆكانی عیراق، خەڵاتی زانكۆی موسڵی وەرگرتوە، لە ١٩٩٣ بە چیرۆكی (یۆتۆپیای وڵاتی پێكەنین) بەزمانی كوردی خەڵاتی زانكۆی سلێمانی وەرگرتوە.. ‎لە ١٩٩٢ سەرنوسەری بڵاوكراوەی تریفە بوە، پەیامنێری کوردستانی نوێ و الاتحاد بوە، لەو ساڵەوە بە بەردەوام به ھەروو زمانی کوردی و عەرەبی بابەت و وتارو وەرگێڕان ولێکۆڵینەوە بڵاودەكاتەوە. دەرچوی یەكەم خول و یەکەم دەستەی کوردستانە کە دبلۆمیان لە میدیادا وەرگرت. دەیان كاری میدیایی و بەرپرسیاریەتی لە كەناڵەكان وەرگرتوە وەک : دەنگی گەلی کوردستان، مانگنامەی بەدرخان، اذاعة العراق الجدید، رادیۆ نەوا، ھەفتەنامەی الاتحاد، لە ٢٠٠٢ تا ٢٠٢٢ سەرنوسەری سایتی پیوکەی میدیا بووە،لە ئێستا دا سکرتێری لقی سلێمانی سەندیکای رۆژنامەنووسانی کوردستان و سەرپەرشتیاری كەناڵی ئاسمانی كوردسات نیوزە.